Þessi 19 ára gamli leikmaður er búinn að vera stórkostlegur með Stjörnunni og frammistaða hans varð til þess að hann var valinn í U21 landsliðið. Þar var hann stórkostlegur í þremur leikjum í undankeppni EM.

Hann er búinn að vera frábær með Stjörnunni í sumar og Sverrir býst við að hann fari út þegar félagaskiptaglugginn opnar í júlí.

„Ef það tekur hann enginn í glugganum, þá verð ég sjokkeraður. Ég held að hann sé á leiðinni út núna,” sagði Sverrir.

„Ég held ekki. Ég held að hann sé einbeittur á að klára tímabilið hér heima,” sagði Sæbjörn Þór Steinke.

Eru að halda Óskari á bekknum
Óli Valur er ekki eini leikmaðurinn í Stjörnunni sem hefur vakið athygli fyrir frammistöðu sína í sumar. Adolf Daði Birgisson, Jóhann Árni Gunnarsso og Ísak Andri Sigurgeirsson eru búnir að vera mjög góðir og hafa verið að halda Óskari Erni Haukssyni, einum besta leikmanni í sögu þessarar deildar, á bekknum.

„Þeir hafa bara verið að halda Óskari á bekknum,” sagði Baldvin í þættinum sem má hlusta á í heild sinni hér fyrir neðan.