Helgi Guðjóns: Þetta var fyrir vin minn Róbert Laufdal

Helgi að sjá myndir af fagninu í símanum hjá Róberti Laufdal.

Mynd: Fótbolti.net - Hafliði Breiðfjörð

Svona er hefðbundið fagn hjá Helga.

Mynd: Fótbolti.net - Hafliði Breiðfjörð

Bætti svo við LU í kjölfarið.

Mynd: Fótbolti.net - Hafliði Breiðfjörð

Kátir með fagnið.

Mynd: Fótbolti.net - Hafliði Breiðfjörð

Fór í bakið á Hrafni.

Mynd: Fótbolti.net - Hafliði Breiðfjörð

Úr leiknum.

Mynd: Fótbolti.net - Hafliði Breiðfjörð

Helgi að sjá myndir af fagninu í símanum hjá Róberti Laufdal.

Mynd: Fótbolti.net - Hafliði Breiðfjörð

Helgi Guðjónsson var á skotskónum þegar Víkingur sigraði KR á þriðjudagskvöld í Bestu deildinni. Helgi skoraði fyrra mark Víkinga í 2-0 sigri.

Fótbolti.net ræddi við Helga um leikinn, markið og fagnið hans.

Lestu um leikinn: Víkingur R. 2 - 0 KR

Varnarleikurinn lykillinn
„Mér fannst lykillinn að sigrinum vera hversu vel við náðum að verjast þeim. Við komumst kannski ekki í eins margar stöður og á móti öðrum liðum sóknarlega, en við nýttum það sem við fengum mjög vel. Við fengum svo sem nokkur góð færi til viðbótar, Elías fékk t.d. tvö og svo var eitthvað meira. Við náðum að verjast þessum hröðu og miklu skiptingum sem þeir leggja upp með sóknarlega," segir Helgi.

Náði að loka vel á Luke Rae
Þetta er annað tímabilið sem Helgi spilar sem vinstri bakvörður. Hvernig er að mæta Luke Rae, er það öðruvísi verkefni en annað?

„Þeir spila mjög mikið upp vinstra megin og einangra svo hann einn á einn á móti mér hinu megin. Þá er það mitt að reyna loka á hann og vera vakandi þegar þeir reyna skipta boltanum hratt yfir, þeir eru góðir í því. Luke er öskufljótur og þú mátt ekki gefa honum mikið pláss. Mér fannst ég ná að loka ágætlega á að hann."

Mikil hlaupageta og fótahreyfingar úr körfuboltanum
Hefur komið þér sjálfum á óvart hversu vel hefur gengið að færa sig niður í vinstri bakvörðinn?

„Í raun og veru já. Maður sér ekki oft að framherji sé færður í bakvörð. Ég bý yfir mikilli hlaupagetu, get reddað mér þannig, en varnarlega hefur þetta gengur aðeins betur en manni hefði grunað. Ég lendi ekki oft í vandræðum með kantmenn í einn á einn stöðum. Það hefur smá komið á óvart, en ég bý yfir smá körfuboltagrunni sem mér finnst hjálpa mér í þeim stöðum."

Það er þá varnar „slædið" úr körfunni sem er að hjálpa?

„Já, þótt það hljómi kannski skringilega þá finnst mér það hjálpa slatta og fótavinnan kemur svolítið þaðan."

Heppinn að fá auka tíma í skotinu
Helgi skoraði fyrra mark Víkings eftir hornspyrnu, boltinn féll vel fyrir hann og skotið fór af Hrafni Tómassyni, leikmanni KR, og breytti talsvert mikið um stefnu.

Markið þitt, það var af „fallegri" gerðinni, hvernig upplifðir þú það?

„Ég hitti hann ágætlega, boltinn breytti aðeins um stefnu. Mér fannst hann á leiðinni inn í nærhornið en breytti svo töluvert og fór í fjærhornið. Ég held að hann hefði verið inni, en maður veit aldrei."

„Ég á að vera sirka á þessum stað í hornspyrnum þegar Gylfi tekur þarna megin. Ég var á réttum stað og smá heppni með mér að Arnór Ingvi rann rétt á undan þannig að ég fékk aðeins meira pláss til að skjóta."

Bað um þetta fagn fyrir leik
Hvað getur þú svo sagt um fagnið?

„Þetta var bara fyrri Robba vin minn, Róbert Laufdal sem vinnur með mér í Maul. Hann bað um þetta fyrir leik og ég deliveraði því fyrir hann. Þetta var LU, hann verður að útskýra það sjálfur," segir Helgi á léttu nótunum.

„Eftir leikinn sýndi hann mér svo myndina sem Hafliði tók af fagninu," segir Helgi.

Fréttamaður fór á stúfana og kom upp úr krafsinu að LU er skammstöfun fyrir lengst uppi. LU kemur fyrir í lagi sem Róbert gaf út fyrr á þessu ári. Fleiri myndir sem Hafliði Breiðfjörð tók má sjá hér að neðan.

Svona er hefðbundið fagn hjá Helga.

Mynd: Fótbolti.net - Hafliði Breiðfjörð

Bætti svo við LU í kjölfarið.

Mynd: Fótbolti.net - Hafliði Breiðfjörð

Kátir með fagnið.

Mynd: Fótbolti.net - Hafliði Breiðfjörð

Fór í bakið á Hrafni.

Mynd: Fótbolti.net - Hafliði Breiðfjörð

Úr leiknum.

Mynd: Fótbolti.net - Hafliði Breiðfjörð