AC Milan er búið að ganga frá kaupum á Fode Ballo-Toure frá Mónakó en hann gerir fimm ára samning við ítalska félagið.
Ballo-Toure er 24 ára gamall vinstri bakvörður og er fæddur og uppalinn í Frakklandi.
Hann spilaði fyrir yngri landslið Frakklands en valdi að spila fyrir Senegal á þessu ári.
Milan hefur verið í viðræðum við Mónakó síðustu daga um kaup á honum en í dag voru kaupin staðfest.
Félagið greiðir 4 milljónir evra og gerir hann fimm ára samning við Milan.
Hann mun veita Theo Hernandez samkeppni um vinstri bakvarðarstöðuna.
Athugasemdir