Arsenal á góða möguleika á að fá Rodrygo - Atletico leggur allt kapp á að fá Romero - West Ham hafnaði tilboði í Kudus
   sun 18. ágúst 2019 10:30
Ívan Guðjón Baldursson
Myndband: Hvöss orðaskipti Agüero og Guardiola
Sergio Agüero virtist ekki vera í sérlega góðu skapi þegar honum var skipt útaf í 2-2 jafntefli Manchester City gegn Tottenham í gær.

Agüero spilaði fyrstu 66 mínúturnar og skoraði en staðan var 2-2 þegar honum var skipt útaf fyrir Gabriel Jesus.

Argentínski sóknarmaðurinn virtist rífast við Josep Guardiola á leið sinni á bekkinn og hefur Guardiola tjáð sig um atvikið.

„Hann hélt að ég væri pirraður út í sig útaf markinu sem við fengum á okkur en það er misskilningur. Við fengum mark á okkur úr horni," sagði Guardiola.

„Hann hélt ég væri pirraður út í sig. Ég tjái mig á líflegan hátt og það getur misskilist. Ég var einu sinni leikmaður og veit hvernig þetta er. Við töluðum saman eftir þetta, ég elska hann mjög mikið sem leikmann."





Athugasemdir