Morten Beck var glaður í viðtali í kvöld.
Danski sóknarmaðurinn Morten Beck Guldsmed gerði sína aðra þrennu í sumar fyrir FH þegar liðið vann 6-4 sigur á ÍBV í ótrúlegum leik í Pepsi Max-deildinni í kvöld.
Lestu um leikinn: FH 6 - 4 ÍBV
„Það mikilvægasta eru þrjú stigin. Við þurftum á þessum viðbrögðum að halda eftir svekkjandi bikarúrslitaleik. Þú ert að tala við ánægðan mann," sagði Morten Beck í viðtali eftir leikinn.
FH komst í 6-1, en ÍBV náði að minnka muninn í 6-4 fyrir leikslok.
„Þetta er eitthvað sem við þurfum að skoða, við getum ekki samþykkt þetta. Við þurfum að halda einbeitingu. Það mikilvægasta eru stigin þrjú, en við þurfum að skoða þetta betur."
Hann er ekki viss um það hvort hann verði áfram hjá FH-ingum næsta sumar.
„Ég veit það ekki. Ég er mjög ánægður hérna og ég nýt þess að spila hérna. Ég held að félaginu líði eins. Við þurfum setjast niður og tala saman," sagði Morten Beck.
Athugasemdir
