Verður ekki þjálfari Vængja Júpíters
Helgi Sigurðsson hefur verið ráðinn sem þjálfari 2. flokks karla hjá Fjölni. Þetta staðfesti Helgi við Fótbolta.net í dag en segir ekkert til í þeim sögusögnum að hann yrði einnig þjálfari 3. deildarliðsins Vængir Júpíters í Grafarvoginum.
„Þær sögur voru algjört kjaftæði," sagði Helgi varðandi orðróminn um Vængina.
Í yfirlýsingu frá Fjölni lýsir félagið mikilli ánægju með ráðninguna. Helgi er fyrrum þjálfari Fylkis en á liðnu tímabili stýrði hann ÍBV upp úr Lengjudeildinni en ákvað að kveðja félagið þegar því verkefni var lokið.
„Þær sögur voru algjört kjaftæði," sagði Helgi varðandi orðróminn um Vængina.
Í yfirlýsingu frá Fjölni lýsir félagið mikilli ánægju með ráðninguna. Helgi er fyrrum þjálfari Fylkis en á liðnu tímabili stýrði hann ÍBV upp úr Lengjudeildinni en ákvað að kveðja félagið þegar því verkefni var lokið.
„Miklar vonir er um að hans reynsla muni hjálpa leikmönnum okkar að stíga en stærri skref í þróun sinni sem framtíðarleikmenn Fjölnis. Annar flokkur er fjölmennur flokkur sem býr yfir miklum hæfileikum og verður spennandi að fylgjast með þeim leikmönnum næstu árin."
Helgi hafnaði tilboði frá færeyska félaginu NSÍ Runavík.
„Ég hefði þá alveg eins getað verið áfram í Eyjum. Það er annasamt hjá konunni og ég flutti mig aftur á heimaslóðir. Ég er ekkert hættur í þjálfun þó ekkert hafi gerst í meistaraflokksþjálfun núna. Maður sér hvort eitthvað gerist þar í framtíðinni," segir Helgi við Fótbolta.net.
Helgi mun vinna náið með meistaraflokksþjálfara Fjölnis en þar urðu breytingar. Úlfur Arnar Jökulsson sem var þjálfari 2. flokks tók skrefið upp og var ráðinn þjálfari meistaraflokks.
Sjá einnig:
Helgi um viðskilnaðinn við ÍBV: Auðvitað er það skrítið
HELGI SIGURÐSSON ÞJÁLFAR 2. FLOKK KARLA
— Fjölnir FC (@Fjolnir_FC) November 18, 2021
Helgi Sig hefur verið ráðinn sem þjálfari 2. flokks karla hjá félaginu. Félagið lýsir yfir mikilli ánægju með þessari ráðningu og býður hann velkominn til starfa.#FélagiðOkkar pic.twitter.com/cVR1SNpkQQ
Athugasemdir