Velski vinstri bakvörðurinn Neil Taylor er genginn til liðs við Middlesbrough í ensku B-deildinni en hann gerir tveggja mánaða samning við félagið.
Taylor, sem er 32 ára gamall, yfirgaf Aston Villa eftir síðustu leiktíð eftir að hafa spilað þar í fjögur ár.
Hann hefur verið án félags síðan en hann æfði með Middlesbrough í síðustu viku og í kjölfarið gerði félagið tveggja mánaða samning við leikmanninn.
Taylor á 43 landsleiki að baki fyrir Wales og kemur með mikla reynslu inn í hópinn.
Middlesbrough situr í 14. sæti ensku B-deildarinnar með 22 stig eftir sautján leiki.
Athugasemdir