Jack Rodwell hefur gert eins árs samning við ástralska félagið Western Sydney Wanderers. Þessi fyrrum miðjumaður Everton og Manchester United hefur verið án félags síðan hann yfirgaf Sheffield United í júní.
Rodwell segist hafa verið að skoða möguleikana á því að spila í Ástralíu í nokkurn tíma en eiginkona hans er frá Sydney.
„Ástralía er eins og mitt annað heimili. Það er mitt uppáhalds land á jörðinni," segir Rodwell.
Nýtt tímabil í ástralska boltanum fer af stað á laugardag en þá leikur Western Sydney Wanderers, sem endaði í áttunda sæti af tólf liðum á síðasta tímabili, grannaslag gegn Sydney FC.
Rodwell, sem er þrítugur, var mikið efni á sínum tíma en ferill hans náði ekki þeim hæðum sem búist var við.
Athugasemdir