Hollenski þjálfarinn Giovanni van Bronckhorst er nýr knattspyrnustjóri Rangers í Skotlandi en félagið tilkynnti ráðninguna í dag.
Steven Gerrard hætti með Rangers á dögunum og tók við Aston Villa í ensku úrvalsdeildinni en Gerrard gerði liðið að skoskum meistara á síðustu leiktíð.
Rangers var ekki lengi að finna eftirmann hans en Van Bronckhorst tók við liðinu eftir að hafa verið í viðræðum við félagið í nokkra daga.
Hollendingurinn spilaði með Rangers í þrjú ár frá 1998 til 2001 og vann þar deildina þrisvar.
Hann átti frábæran feril sem knattspyrnumaður og spilaði með félögum á borð við Arsenal, Feyenoord og Barcelona.
Van Bronckhorst fór út í þjálfun eftir ferilinn og tók við Feyenoord árið 2015. Þar hann vann hollensku deildina, bikarinn í tvígang og Johan Cruyff-skjöldinn tvisvar áður en hann tók við Guangzhou í Kína árið 2020.
Athugasemdir