Sóknarmaðurinn Jón Gísli Ström er genginn til liðs við Fjölni en hann kemur frá ÍR.
Jón Gísli hefur æft með Fjölni undanfarnar vikur en hann skoraði eitt marka liðsins í 3-2 tapi gegn Keflavík í síðustu viku.
Hann hefur leikið allan sinn meistaraflokksferil með ÍR, að undanskilinni stuttri dvöl hjá ÍBV þar sem að hann lék einungis þrjá leiki með félaginu sumarið 2013.
ÍR féll á dramatískan hátt úr Inkasso-deildinni í síðustu umferð deildarinnar gegn Magna. Fjölnir féll úr Pepsi-deildinni og því mun Jón leika áfram í Inkasso.
Jón Gísli hefur leikið 174 meistaraflokksleiki og skorað í þeim 73 mörk.
„Við bjóðum hann velkominn í Grafarvoginn og væntum mikils af honum í framtíðinni," segir á Twitter reikning Fjölnis.
Sóknarmaðurinn Jón Gísli Ström hefur skrifað undir samning við Fjölni!
— Fjölnir FC (@Fjolnir_FC) December 18, 2018
Jón Gísli er 25 ára og kemur frá ÍR. Hann hefur skorað 73 mörk í 174 leikjum. Við bjóðum hann velkominn í Grafarvoginn og væntum mikils af honum í framtíðinni.#FélagiðOkkar pic.twitter.com/RWFkRKbfkV
Athugasemdir