Bandaríska félagið Real Salt Lake valdi KR-inginn Lúkas Magna Magnason í nýliðavali MLS-deildarinnar í kvöld.
Lúkas Magni hefur verið að spila með Clemson-háskólanum í Bandaríkjunum og staðið sig frábærlega.
Þessi 21 árs gamli varnarmaður var valinn í fyrstu umferð nýliðavalsins en hann var þrettándi í röðinni.
Hann á 15 leiki að baki með KR í efstu deild, en rifti samningi sínum eftir síðasta tímabil.
Tveimur umferðum er lokið í valinu og er Lúkas eini Íslendingurinn sem hefur verið valinn til þessa.
Úlfur Ágúst Björnsson hjá FH og Ólafur Flóki Stephensen úr Val eru einnig skráðir í valið, en það á eftir að velja tuttugu leikmenn til viðbótar og því enn möguleiki að Íslendingum fjölgi í MLS-deildinni á komandi tímabili.
Athugasemdir
