Cardiff hefur gengið frá kaupum á sóknarmanninum Emiliano Sala. Hann er argentískur sóknarmaður sem kemur frá Nantes í Frakklandi fyrir félagsmet.
Sala skrifar undir þriggja ára samning við Cardiff, en talið er að kaupverðið sé 15 milljónir punda.
Hann er annar leikmaðurinn sem kemur til Cardiff í þessum mánuði, en félagið fékk á dögunum sóknarmanninn Oumar Niasse á láni frá Everton.
Hinn 28 ára gamli Sala hefur skorað 13 mörk í deild og bikar í Frakklandi á tímabilinu, en aðeins Kylian Mbappe og Nicolas Pepe hafa skorað fleiri mörk.
Cardiff þarf klárlega á markaskorara að halda, en liðið hefur aðeins skorað 19 mörk í ensku úrvalsdeildinni á tímabilinu.
Hjá Cardiff hittir Sala íslenska landsliðsfyrirliðann Aron Einar Gunnarsson.
Athugasemdir
