Fótbolti.net er langmest lesni íþróttavefmiðill landsins og staðan er í raun sú að vefurinn er meira lesinn en allir þrír helstu samkeppnismiðlarnir til samans.
Þetta kemur í ljós þegar opinberar tölur á Topplista Gallup eru bornar saman við Googla Analytics tölur Fótbolta.net. Tölurnar eru fyrir síðustu viku frá mánudegi - sunnudags, 10. - 16. maí 2021.
Fótbolti.net var á því tímabili með rúmlega 2,6 milljónir flettinga en samkeppnismiðlarnir þrír, íþróttasíður mbl, Vísis og 433, voru samanlagt með 2,3 milljónir flettinga.
Lilja Alfreðsdóttir menntamálaráðherra tók íþróttamiðil eins og Fótbolta.net sérstaklega út fyrir sviga þegar hún greiddi út sérstakan 400 milljóna Covid-19 styrk til fjölmiðla á síðasta ári. Þar með skekkti hún samkeppnisstöðu miðilsins til muna en þrátt fyrir það er vefurinn langmest lesinn meðal íþróttamiðla á netinu.
Íslenski boltinn byrjaði að rúlla um síðustu mánaðarmót og Fótbolta.net er leiðandi í umfjöllun um hann og sem fyrr stefnum við á að gera enn betur í sumar.
Fotbolti.net: 2.613.324 flettingar
Flettingatölur hinna miðlanna
- Vikan 10. - 16. maí 2021
Vísir/Sport: 751.380
mbl/Sport: 878.045
DV/433: 709.833
--------------------
Samtals: 2.339.258
Athugasemdir
