Fotbolti.net
19.06.22 - 10:07
Ívan Guðjón Baldursson

Ramsay nýr leikmaður Liverpool (Staðfest)

Ramsay í leik gegn Breiðabliki.

Ramsay í leik gegn Breiðabliki.

Canon

Mynd: Fótbolti.net - Hafliði Breiðfjörð

Liverpool er búið að staðfesta félagaskipti skoska bakvarðarins Calvin Ramsay til félagsins.

Hinn 18 ára gamli Ramsay kemur úr herbúðum Aberdeen í Skotlandi og borgar Liverpool aðeins 4 milljónir punda fyrir þennan eftirsótta bakvörð. Enska stórveldið mun að öllum líkindum greiða 2,5 milljónir punda til viðbótar í árangurstengdar aukagreiðslur.

Táningurinn spilaði 33 leiki með Aberdeen á nýliðinni leiktíð og á 14 leiki að baki fyrir yngri landslið Skota. Hann er byrjaður að spila fyrir U21 landsliðið þrátt fyrir ungan aldur.

Ramsay er þriðji leikmaðurinn sem gengur í raðir Liverpool í sumar eftir komu Fabio Carvalho og Darwin Nunez. Á sama tíma er Sadio Mane á leið burt á meðan Divock Origi og Loris Karius eru samningslausir.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.