Hollenska stórveldið Ajax hefur fest kaup á Steven Berghuis frá Feyenoord en Ajax tilkynnti leikmanninn á heimasíðu sinni í dag.
Þetta eru ein umtöluðustu skipti hollenska boltans en Berghuis hefur verið með bestu mönnum deildarinnar síðustu ár og spilað 28 landsleiki fyrir Holland.
Hann var í dag keyptur til Ajax frá Feyenoord og skrifaði hann í kjölfarið undir fjögurra ára samning.
Stuðningsmenn Feyenoord hafa mótmælt skiptunum harðlega og sent Berghuis hótanir en Feyenoord fordæmdi þessa hegðun.
Berghuis spilaði í fjögur ár fyrir Feyenoord þar sem hann vann hollensku deildina og bikarinn.
Athugasemdir