Wilfried Zaha, fyrrum leikmaður Manchester United, var maður leiksins er Crystal Palace vann óvæntan sigur á Old Trafford í dag.
Zaha skoraði tvennu í 1-3 sigri Palace, fyrra markið úr vítaspyrnu og það seinna eftir laglegt einstaklingsframtak.
Daniel James, kantmaður Rauðu djöflanna og velska landsliðsins, var versti maður vallarins í einkunnagjöf Sky Sports og fékk 4 í einkunn.
Enginn í liði Man Utd fékk yfir 6 í einkunn, ekki einu sinni Donny van de Beek sem kom inn af bekknum og skoraði eina mark heimamanna.
Miðjumaðurinn James McCarthy, vinstri bakvörðurinn Tyrick Mitchell og hægri bakvörðurinn Joel Ward fengu 8 í einkunn í liði Palace.
Man Utd: De Gea (6), Fosu-Mensah (6), Lindelof (5), Maguire (5), Shaw (5), Pogba (5), McTominay (6), Rashford (5), Bruno Fernandes (6), James (4), Martial (5).
Varamenn: Greenwood (5), van de Beek (6).
Crystal Palace: Guaita (7), Ward (8), Kouyate (7), Sakho (7), Mitchell (8), Townsend (7), McArthur (7), McCarthy (8), Schlupp (7), Zaha (9), Ayew (7).
Athugasemdir