Hürzeler og Gross himinlifandi eftir frækinn sigur

Brighton sýndi frábæra frammistöðu á heimavelli og verðskuldaði sigurinn. Gross, sem hefur verið frábær á upphafi tímabils, var meðal bestu leikmanna vallarins og skoraði fyrsta markið með frábæru skoti utan vítateigs.

„Þetta er magnaður sigur fyrir okkur. Ekki bara útaf því að við unnum gegn besta liði Englands, heldur líka útaf frammistöðunni. Ég er virkilega stoltur af liðinu mínu og það er mikilvægt að njóta stundarinnar. Við sýndum rosalega mikla ákefð, pressuðum hátt og unnum einvígin okkar. Við erum með sjálfstraustið til að vera samkeppnishæfir gegn sterkustu liðum úrvalsdeildarinnar," sagði Hurzeler, þjálfari Brighton.

„Strákarnir treysta hvorum öðrum og berjast fyrir hvorn annan allan leikinn. Við erum með frábæran hóp, við erum með varamenn sem geta fyllt í skörðin þegar vantar og við sýndum hvað við getum í dag."

Brighton er með 10 stig eftir 5 umferðir, tveimur stigum á eftir Arsenal sem var með fullt hús stiga fyrir tapið. Hurzeler hrósaði Gross í hástert og svaraði miðjumaðurinn líka spurningum.

„Við sýndum mikla ákefð og refsuðum Arsenal. Við sýndum frábæra frammistöðu, við unnum boltann ofarlega og sóttum hratt og beinskeytt. Við mættum í þennan leik fullir sjálfstrausts og vorum staðráðnir í að vinna síðasta leik fyrir landsleikjahlé," sagði Gross.

„Mér líður mjög vel, ég reyni bara að hjálpa liðinu eins og ég get. Ég elska lífið í Brighton, mér finnst æðislegt að vera hérna.

„Þetta verður mjög erfitt í haust útaf því að við munum spila á þriggja daga fresti og margir af strákunum í hópnum eru ekki vanir því. Við erum með stóran leikmannahóp og vonandi getum við verið samkeppnishæfir."

Brighton endaði í 8. sæti úrvalsdeildarinnar á síðustu leiktíð og mætir Kauno Zalgiris og Jablonec í fyrstu tveimur umferðum Sambandsdeildarinnar í október.

TENGT EFNI19.09.26 - 17:20

Arteta: Megum ekki leyfa þessu að gerast aftur