banner
   þri 19. október 2021 18:08
Guðmundur Aðalsteinn Ásgeirsson
Leikmaður ársins framlengir við Val
Mist gerir nýjan samning.
Mist gerir nýjan samning.
Mynd: Fótbolti.net - Hafliði Breiðfjörð
Mist Edvardsdóttir hefur framlengt samning sinn við Íslandsmeistara Vals. Þetta kemur fram í tilkynningu frá félaginu.

Hún gerir samning sem gildir út næsta leiktímabil. Mist hefur verið hjá Val í tíu ár.

Mist var algjörlega frábær í sumar og var valin besti leikmaður Pepsi Max-deildarinnar af Heimavellinum. Hún var gríðarlega öflug í hjarta varnarinnar hjá Val.

„Það er mikil ánægja að Valur fái að njóta krafta þessa reynslumikla leikmanns á næsta tímabili," segir í tilkynningu frá Hlíðarendafélaginu.

Valur hefur á síðustu dögum endursamið við nokkra leikmenn. Sandra Sigurðardóttir, Lára Kristín Pedersen, Ásgerður Stefanía Baldursdóttir og Sólveig Jóhannesdóttir Larsen hafa allar gert nýja samninga.
Heimavöllurinn: Allt um Íslandsmeistaratitilinn með Mist Edvards og Ásdísi Karen
Athugasemdir
banner
banner
banner