Lengjubikarinn: Sævar Atli með þrennu gegn ÍBV

Leiknir R. fór illa með ÍBV er liðin mættust í Lengjubikarnum í dag.

Sævar Atli Magnússon bar fyrirliðabandið og skoraði þrennu er Breiðhyltingar komust í fjögurra marka forystu. Miðvörðurinn Bjarki Aðalsteinsson komst einnig á blað.

Eyjamenn minnkuðu muninn en komust ekki nær og urðu lokatölur 4-1.

Leiknir er með þrjú stig eftir tvær umferðir. ÍBV er áfram án stiga.

Liðin áttust við í Lengjudeildinni í fyrra og komust Leiknismenn upp í Pepsi Max-deildina á meðan Eyjamenn enduðu óvænt í sjötta sæti.