Umferðin er nokkuð dreifð sem er ansi sérstakt en Roma getur tildæmis í kvöld tryggt Evrópudeildarsæti með sigri á Torino.

Á morgun er eitthvað minna um krassandi baráttu. Genoa, sem féll úr deildinni á dögunum, mætir Bologna á meðan Lazio spilar við Verona. Lazio getur tryggt 5. sæti deildarinnar. Fiorentina spilar við Juventus á meðan Atalanta leikur við Empoli.

Á sunnudag spilar Lorenzo Insigne sinn síðasta leik fyrir Napoli er liðið mætir Spezia klukkan 10:30 en titilbaráttuleikirnir fara báðir fram klukkan 16:00.

Inter er heima gegn Sampdoria á meðan Milan heimsækir Sassuolo. Milan er á toppnum með 83 stig, tveimur stigum meira en Inter. Sassuolo vann Milan í fyrri leik liðanna á tímabilinu og gæti lokaleikurinn alveg eins boðið upp á dramatík. Milan þarf einungis eitt stig til að vinna deildina þar sem Milan hefur betur gegn Inter í innbyrðisviðureignum á tímabilinu.

Fallbaráttan ræðst síðan um kvöldið. Botnlið Venezia mætir Cagliari á meðan Salernitana fær Udinese í heimsókn. Salernitana er sem stendur í öruggu sæti með 41 stig á meðan Cagliari er með 39 stig í 18. sæti.

Föstudagur:
18:45 Torino - Roma

Laugardagur:
15:15 Genoa - Bologna
18:45 Lazio - Verona
18:45 Fiorentina - Juventus
18:45 Atalanta - Empoli

Sunnudagur:
10:30 Spezia - Napoli
16:00 Sassuolo - Milan
16:00 Inter - Sampdoria
19:00 Venezia - Cagliari
19:00 Salernitana - Udinese