„Ég er ángður með fjögur mörk og engin mörk á okkur, það er frábært," sagði Andri Hjörvar Albertsson. þjálfari Þór/KA, eftir sigur sinna leikmanna gegn ÍBV í dag.
Lestu um leikinn: Þór/KA 4 - 0 ÍBV
Þór/KA er með sex stig eftir tvo leiki og átta mörk skoruð. Það skilar liðinu í toppsæti deildarinnar, draumabyrjun hjá liðinu.
„Frábært, get ekki verið að kvarta yfir miklu, magnað að skora átta mörk. Vonandi höldum við áfram á sömu braut."
Þór/KA mætir Íslandsmeisturum Vals í 3. umferð í næstu viku. Mun Andri leggja þann leik öðruvísi upp en leikinn í dag?
„Já alveg örugglega án þess að gefa upp einhver leyndarmál hér. Við mætum þar allt allt öðruvísi liði en við höfum mætt í fyrstu tveimur leikjunum en hausinn okkar verður á sama stað og venjulega. Við förum í leikinn gegn Val fullar sjálfstrausts og getum ekki beðið eftir honum."
Viðtalið í heild sinni má sjá hér að ofan.
Athugasemdir