Dregið í 16-liða úrslit Fótbolti.net bikarsins í dag

32-liða úrslitunum í Fótbolti.net bikarnum lauk í vikunni og því er ljóst hvað lið verða í pottinum þegar dregið verður í 16-liða úrslitin í hádeginu í dag, föstudag.

Drátturinn hefst kl. 12:00 og verður hann í beinni textalýsingu hjá okkur og beinni sjónvarpsútsendingu á síðu KSÍ hjá Sjónvarpi Símans. Áætlað er að leikirnir í 16-liða úrslitum fari fram 17. júlí.

Öll liðin tóku þátt í 32-liða úrslitunum nema Víkingur Ólafsvík sem fór sjálfkrafa áfram þar sem Kormákur/Hvöt gaf leikinn og dró sig úr keppninni.