Sterkasta lið 11. umferðar - Sjö úr stórkostlegri frammistöðu Víkings

Víkingur er með langbesta lið landsins eins og sýndi sig bersýnilega í 5-0 útisigrinum gegn Fram í 11. umferð Bestu deildarinnar. Þvílík sýning hjá Íslandsmeisturunum sem eiga alls sjö fulltrúa í Sterkasta liðinu í boði Steypustöðvarinnar.

Elías Már Ómarsson var maður leiksins með þrjú mörk en auk hans eru Oliver Ekroth, Helgi Guðjónsson, Daníel Hafsteinsson, Gylfi Þór Sigurðsson og Óskar Borgþórsson allir í úrvalsliðinu.

Sölvi Geir Ottesen er þjálfari umferðarinnar og í raun hefði Víkingur getað átt fleiri leikmenn í liðinu.