Simeone til Napoli (Staðfest) - Bróðirinn til Zaragoza
Giovanni hefur í heildina skorað 67 mörk og gefið 20 stoðsendingar í 215 leikjum í Serie A.
Mynd: EPA
Giuliano á einn leik að baki fyrir föður sinn sem stýrir meistaraflokki Atletico.
Mynd: EPA
Giovanni hefur í heildina skorað 67 mörk og gefið 20 stoðsendingar í 215 leikjum í Serie A.
Mynd: EPA
Napoli er búið að staðfesta komu Giovanni Simeone á lánssamningi út tímabilið. Argentínski sóknarmaðurinn skoraði 17 mörk í 35 deildarleikjum með Verona og vildi róa á önnur mið.
Simeone er samningsbundinn Verona til 2026 en Napoli borgar 3,5 milljónir evra fyrir lánssamninginn og í honum fylgir kaupskylda ef ákveðnum skilyrðum er mætt. Verði þessum skilyrðum mætt borgar Napoli 12,5 milljónir í viðbót og heildarverðið mun því nema 16 milljónum evra.
Simeone er 27 ára gamall og með eitt mark í fimm A-landsleikjum fyrir Argentínu. Yngri bróðir hans Giuliano Simeone mun leika fyrir Real Zaragoza á lánssamningi út tímabilið.
Giuliano er yngsti bróðirinn og er samningsbundinn Atletico Madrid þar sem hann á einn leik að baki fyrir félagið eftir að hafa raðað inn mörkum með varaliðinu. Hann gerði 25 mörk í 36 leikjum með Atletico Madrid B á síðustu leiktíð.
Hann fær því að fara til Real Zaragoza á lánssamningi út tímabilið en Zaragoza leikur í næstefstu deild á Spáni. Giuliano er aðeins 19 ára gamall og lék í D-deildinni á síðustu leiktíð. Þetta er því þokkalegt stökk fyrir ungstirnið og spennandi að sjá hvernig þessum fjölhæfa framherja mun vegna.
Giuliano á einn leik að baki fyrir föður sinn sem stýrir meistaraflokki Atletico.
Mynd: EPA
