| mið 20. október 2021 11:21 |
|
Tíu sem gætu tekið við Newcastle
Newcastle tilkynnti í morgun að Steve Bruce væri hættur sem stjóri félagsins. Þessar fréttir koma aðeins þrettán dögum eftir að Sádi-Arabarnir keyptu Newcastle.
Hver verður næsti stjóri Newcastle? BBC tók saman nöfn tíu nöfn sem hafa verið til umræðu hjá stuðningsmönnum, sérfræðingum og veðbönkum.
Hver verður næsti stjóri Newcastle? BBC tók saman nöfn tíu nöfn sem hafa verið til umræðu hjá stuðningsmönnum, sérfræðingum og veðbönkum.
Rafael Benítez - Hefðu kaupin gengið í gegn í sumar þá væri Benítez væntanlega stjóri Newcastle í dag. Gríðarlega vinsæll meðal stuðningsmanna. En Spánverjinn tók við Everton í sumar og virðist hafa útilokað endurtkomu á St James's Park á þessum tímapunkti.
Antonio Conte - Það yrði klárlega stór yfirlýsing að ráða Conte, sem er án starfs eftir að hafa yfirgefið Inter í sumar. Ítalinn hefur sýnt að hann kann að vinna bikara.
Lucien Favre - Þessi 63 ára Svisslendingur stýrði landsliði Sviss og Borussia Dortmund 2018-20. Er þekktur fyrir skemmtilegan sóknarbolta og hefur verið talsvert mikið í umræðunni um næsta stjóra Newcastle.
Paulo Fonseca - Portúgalinn sem stýrði Roma var næstum tekinn við Tottenham í sumar. Hefur einnig verið þekktur fyrir að spila skemmtilegan sóknarbolta.
Steven Gerrard - Hvenær stígur Gerrard skrefið í úrvalsdeildina? Er ofarlega á lista veðbanka en hann stýrði Rangers til sigurs í Skotlandi á síðasta tímabili.
Eddie Howe - Fékk gríðarlegt lof fyrir árangur sinn hjá Bournemouth og talað um hann sem framtíðarlandsliðsþjálfara Englands. En er hann nægilega stórt nafn fyrir eigendur Newcastle og vinnur fall Bournemouth fyrir tveimur árum gegn honum?
Frank Lampard - Fyrrum stjóri Chelsea er enn talinn eiga bjarta framtíð fyrir sér í bransanum. Newcastle gæti þó viljað reynslumeiri mann á þessum tímapunkti.
Roberto Mancini - Gætu Arabarnir lokkað Mancini úr þjálfarastól ítalska landsliðsins þegar um eitt ár er í HM í Katar? Mancini var maðurinn sem stýrði Manchester City til fyrsta Englandsmeistaratitilsins eftir að Sheikh Mansour keypti félagið.
Roberto Martínez - Landsliðsþjálfari Belgíu er með samning út HM 2022 en orðrómur um að hann vilji snúa aftur í félagsliðabransann. Hefur ekki starfað í ensku úrvalsdeildinni síðan 2016 þegar hann var rekinn frá Everton.
Zinedine Zidane - Stýrði Real Madrid þrívegis til sigurs í Meistaradeildinni og tvisvar til sigurs í La Liga. Yrði klárlega stór yfirlýsing að ráða hann.
Athugasemdir
Nýjustu fréttirnar
13:30
13:00
12:30
13:27
13:00
