Brasilíski kantmaðurinn Douglas Costa er genginn í raðir brasilíska félagsins Gremio á láni frá Juventus.
Costa, sem er 30 ára gamall, hefur verið á láni hjá Bayern München frá Juventus, en lánssamningurinn rennur út í sumar.
Brasilíumaðurinn á aðeins eitt ár eftir af samningnum á Ítalíu en Juventus hefur ekki not fyrir leikmanninn.
Costa hefur verið í viðræðum við Gremio síðustu vikur en leikmaðurinn er með tilfinningaleg tengsl við félagið enda hóf hann atvinnumannaferilinn þar áður en hann gekk til liðs við Shakhtar Donetsk árið 2010.
Costa vann 21 titil í Evrópu en eygir nú þá von að vinna titil í heimalandinu.
