Spánn um helgina - Atlético Madríd getur orðið meistari

Stjórnarmenn spænsku deildarinnar ákváðu að raða leikjunum í lokaumferðinni niður á þrjá daga.

Í kvöld mætast Levante og Cadiz en liðin eru bæði búin að tryggja áframhaldandi þátttöku í deildinni og mikilvægi leiksins því ekki eins mikið og í laugardagsleikjunum.

Klukkan 16:00 á morgun hefst fjörið. Real Betis og Real Sociedad eru í baráttu um Evrópudeildarsæti. Sociedad er í 5. sæti sem stendur með 59 stig en Betis með 58 stig í sjötta sæti. Betis heimsækir Celta á meðan Sociedad spilar við Osasuna.

Titilbaráttan er þá rafmögnuð. Atlético Madríd er í toppsætinu með 83 stig, tveimur stigum á undan Real Madrid. Stig yrði ekki nóg fyrir Atlético ef Real Madrid vinnur sinn leik gegn Villarreal þar sem innanbyrðis viðureignir gilda.

Það sem flækir málin fyrir Atlético er að Valladolid er í fallsæti en liðið á möguleika að halda sér uppi með sigri. Það er því mikið undir í Madríd.

Hægt er að sjá leiki helgarinnar hér fyrir neðan.

Föstudagur:
19:00 Levante - Cadiz

Laugardagur:
16:00 Celta - Betis
16:00 Elche - Athletic
16:00 Valladolid - Atletico Madrid
16:00 Real Madrid - Villarreal
16:00 Osasuna - Real Sociedad
16:00 Huesca - Valencia
16:00 Eibar - Barcelona

Sunnudagur:
16:30 Granada CF - Getafe
19:00 Sevilla - Alaves