Myndband: Húsvíkingar rændir í gær? - Stuðningsmenn brjálaðir

Leiknum lauk með 1-1 jafntefli en leikmenn Völsungs vildu fá vítaspyrnu í uppbótartíma þegar Danny El-Hage markvörður KFA virtist taka Ólaf Jóhann Steingrímsson niður í teignum.

Græni herinn, stuðningsmannasveit Völsungs var ekki sátt með ákvörðun dómarans að dæma ekkert.

„Óli í dauðafæri fyrir opnu sigurmarki ef ekki er brotið á honum en algjörlega huglaus dómari leiksins gerir bara ekki neitt. Fáránlegt og undirritaður er brjálaður!" Segir í færslu Græna hersins á Facebook.

Hallgrímur Mar Steingrímsson, leikmaður KA er uppalinn í Völsungi og er bróðir Ólafs. Hann deildi myndbandi af atvikinu á Twitter síðu sína í dag. Atvikið má sjá hér að neðan.

Það er með hreinum ólíkindum að dæma ekki vítaspyrnu þarna. 1-1 og 91 min á klukkunni.. 1 stig á mína menn í staðinn fyrir liklega 3 útaf þessum kjánaskap. pic.twitter.com/6YnfEjbltK

— Hallgrímur Bergmann (@hallgrimurmar10) May 21, 2022