Kjartan Henry Finnbogason.
„Við hefðum viljað vinna en úr því sem komið var, þá líður manni svolítið eins og við höfum unnið," sagði Kjartan Henry Finnbogason, sóknarmaður KR, eftir 1-1 jafntefli við Víking.
KR jafnaði í uppbótartíma eftir að hafa 1-0 undir frá tíundu mínútu leiksins.
KR jafnaði í uppbótartíma eftir að hafa 1-0 undir frá tíundu mínútu leiksins.
Lestu um leikinn: Víkingur R. 1 - 1 KR
„Við spiluðum frábæran seinni hálfleik. Þórður var frábær í markinu hjá þeim og dómarinn var frábær. Ég vil hrósa dómaranum, frábær dómgæsla."
Kjartan var að kljást við tvo leikmenn sem hafa spilað með landsliðinu, rétt eins og hann; Kára Árnason og Sölva Geir Ottesen.
„Það er bara ógeðslega gaman. Þess vegna er maður að spila fótbolta. Víkingur er með frábært fótboltalið. Það er sterkt fyrir okkur að koma hingað, sýna karakter og halda áfram. Við höfum ekki tapað á útivelli í rúmt ár held ég. Við verðum að taka þetta með í dag og vera klárir í næsta leik."
„Sem KR-ingur, þá hefði ég viljað fá öll stig sem eru í boði. Víkingur er með frábært lið og svona er fótboltinn. Við verðum klárir í næsta leik."
Hægt er að sjá allt viðtalið hér að ofan.
