Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   sun 21. júlí 2019 07:00
Guðmundur Aðalsteinn Ásgeirsson
„Ragna búin að búa til magnaða stemningu"
Jóhannes Karl og Ragna Lóa.
Jóhannes Karl og Ragna Lóa.
Mynd: Fótbolti.net - Hafliði Breiðfjörð
Jóhannes Karl Sigursteinsson stýrði KR í fyrsta sinn í gær þegar liðið lagði Þór/KA að velli í undanúrslitum Mjólkurbikars kvenna.

Jóhannes Karl, sem þjálfaði síðast HK/Víking, tók við af Bojana Besic sem sagði af sér í byrjun mánaðarins en hún hafði stýrt liðinu frá október 2017.

Ragna Lóa Stefánsdóttir hefur verið aðstoðarþjálfari KR í sumar og stýrði hún KR-liðinu til sigurs í síðustu tveimur leikjum fyrir leikinn gegn Þór/KA. Hún stýrði liðinu ásamt Jóhannesi Karli í gær og hrósaði hann henni eftir leikinn.

„Leikurinn snýst ekkert um mig. Ég kem inn í þetta til að leggja eitthvað af mörkum þar sem ég get. Það er búið að vera stígandi í liðinu og ég kem inn meira til að styðja við að það haldi áfram. Liðið virkar best þegar allir hafa sína kosti og galla og geta fundið út til að nýta kostina best. Ég steig inn í það hlutverk."

„Alls ekki taka neitt úr því sem er búið að gera því Ragna er búin að búa til magnaða stemningu og anda í þessu liði," sagði hann við Fótbolta.net.

Viðtalið við hann í gær má sjá í heild sinni hérna að neðan.
Kalli: Frammistaðan mögnuð
Athugasemdir
banner
banner