Starfelt fer til Celtic
Brentford er búið að staðfesta kaup á norska miðverðinum Kristoffer Ajer, sem kemur frá Celtic fyrir um 15 milljónir evra.
Ajer er 23 ára gamall og hefur verið lykilmaður í hjarta varnarinnar hjá Celtic undanfarin ár. Hann á 23 leiki að baki fyrir norska landsliðið og hefur verið orðaður við ýmis stórlið á Ítalíu og Þýskalandi.
Hann valdi þó að ganga í raðir Brentford sem komst upp úr Championship deildinni á síðustu leiktíð. Þar hittir hann marga frændur sína frá Danmörku og íslenska markvörðinn Patrik Sigurð Gunnarsson sem gæti þó verið lánaður út í haust.
Ajer er þriðji leikmaðurinn sem Brentford klófestir í sumar, eftir komu Nathan Young-Coombes frá Rangers og Frank Onyeka frá Midtjylland.
Celtic er þá búið að festa kaup á sænska miðverðinum Carl Starfelt til að fylla í skarðið. Hann kostar 5 milljónir evra og kemur frá Rubin Kazan í Rússlandi. Starfelt er 26 ára gamall og á þrjá A-landsleiki að baki fyrir Svíþjóð. Hann lék fyrir Brommapojkarna og Gautaborg í heimalandinu áður en hann hélt til Rússlands 2019.
🗣 Welcome Kris!#BrentfordFC #AjerAnnounced pic.twitter.com/y4l8Md14kE
— Brentford FC (@BrentfordFC) July 21, 2021
Thank you for the #QuadrupleTreble memories Kris, and best of luck for the future! 🍀
— Celtic Football Club (@CelticFC) July 21, 2021
Athugasemdir