Muniz frá Fulham til Middlesbrough (Staðfest) - Fær níuna
Mynd: Getty Images
Mynd: Getty Images
Middlesbrough er búið að tryggja sér brasilíska sóknarmanninn Rordigo Muniz á lánssamningi frá Fulham.
Muniz er 21 árs gamall og fær treyju númer 9 hjá Middlesbrough. Hann gæti orðið mikilvægur hlekkur á tímabilinu er Boro reynir að koma sér aftur upp í deild þeirra bestu.
Muniz var mikið notaður af bekknum er Fulham vann Championship deildina á síðustu leiktíð og kom í heildina við sögu í 25 deildarleikjum og skoraði 5 mörk.
„Þetta er leikmaður sem félagið hefur verið á eftir í langan tíma og reyndi að kaupa í fyrra án árangurs. Hann er virkilega hæfileikaríkur leikmaður og við erum himinlifandi með að hann sé kominn til okkar," sagði Chris Wilder, stjóri Boro.
Muniz er níundi leikmaðurinn sem gengur í raðir Boro í sumar eftir Zack Steffen, Liam Roberts, Ryan Giles, Darragh Lenihan, Tommy Smith, Alex Mowatt, Marcus Forss og Matthew Hoppe.
*like* ❤️@RodrigoMuniz019 #UTB pic.twitter.com/70pQgiStCk
— Middlesbrough FC (@Boro) August 21, 2022
