21.10.21 - 19:27
Ívan Guðjón Baldursson
Halli hættur með Reyni Sandgerði (Staðfest)
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Haraldur Freyr Guðmundsson er hættur við stjórnvölinn hjá Reyni Sandgerði eftir að samningur hans við félagið rann út í haust.
Halli hefur verið aðalþjálfari Reynis undanfarin fjögur ár og verið afar farsæll í starfi. Hann tók við Reyni í 4. deild og skilur við liðið í 2. deild.
„Stjórn ksd. Reynis bauð Haraldi áframhaldandi samning strax að loknu síðastliðnu keppnistímabili. Halli hefur hins vegar ákveðið að róa á önnur mið og taka næstu skref á þjálfaraferli sínum," segir meðal annars í fréttatilkynningu Reynis.
„Stjórn ksd. Reynis vill nýta tækifærið og þakka Halla kærlega fyrir frábær ár hjá félaginu. Halli mun alltaf eiga stað í hjarta Reynisfólks. Við óskum honum velfarnaðar í hverju því sem hann tekur sér fyrir hendur í framtíðinni."
Halli er fertugur og lék yfir 200 keppnisleiki fyrir Keflavík á ferli sínum sem knattspyrnumaður. Hann á tvo A-landsleiki að baki og verður áhugavert að sjá hvaða verkefni hann tekur að sér næst.
„Stjórn ksd. Reynis bauð Haraldi áframhaldandi samning strax að loknu síðastliðnu keppnistímabili. Halli hefur hins vegar ákveðið að róa á önnur mið og taka næstu skref á þjálfaraferli sínum," segir meðal annars í fréttatilkynningu Reynis.
„Stjórn ksd. Reynis vill nýta tækifærið og þakka Halla kærlega fyrir frábær ár hjá félaginu. Halli mun alltaf eiga stað í hjarta Reynisfólks. Við óskum honum velfarnaðar í hverju því sem hann tekur sér fyrir hendur í framtíðinni."
Halli er fertugur og lék yfir 200 keppnisleiki fyrir Keflavík á ferli sínum sem knattspyrnumaður. Hann á tvo A-landsleiki að baki og verður áhugavert að sjá hvaða verkefni hann tekur að sér næst.
