Fotbolti.net
21.10.22 - 08:12
Elvar Geir Magnússon

„Of stórt starf fyrir Gerrard - Beale bar hann uppi“

Steven Gerrard og Michael Beale.

Steven Gerrard og Michael Beale.

Canon

Mynd: Getty Images

Íþróttafréttamaðurinn Ashley Preece sérhæfir sig í að fjalla um Aston Villa. Hann tjáði sig um brottrekstur Steven Gerrard í viðtali við BBC í morgun og segir að Gerrard hafi hreinlega ekki ráðið við stjórastarfið hjá Villa.

„Ég vorkenndi Gerrard í lokin, hann réði ekki við þetta starf. Ákvörðunin að ráða hann kom í bakið á félaginu. Þegar hann fékk starfið taldi ég um ranga ákvörðun að ræða. Hann var flott og stórt nafn en Dean Smith, sem var á endanum með betri árangur en Gerrard, var rekinn," segir Preece.
„Gerrard er nýliði sem stjóri. Hann gerði mjög vel hjá Rangers með því að vinna deildina svo það voru vísbendingar um að hann væri ungur og góður stjóri. En það er ekki allt sem sýnist og Villa er í fallbaráttu. En ég veit að Gerrard gerði sitt besta og vildi vel, þess vegna vorkenni ég honum."

Preece fullyrðir að Michael Beale, sem var aðstoðarmaður Gerrard þar til hann hætti til að taka við sem stjóri QPR í sumar, hafi verið heilinn á bak við Gerrard.

„Michael Beale bar Gerrard uppi. Mér var sagt það þegar Gerrard fékk starfið að Beale væri í raun heilinn á bak við allt. Emiliano Martínez (markvörður Villa) sagði í viðtali í fyrra að aðstoðarmaðurinn talaði meira en stjórinn. Það kemur frá leikmanni í klefanum. Hann sagði hreinlega að Michael Beale væri að stýra bak við tjöldin."

Aston Villa er alveg við fallsæti og tapaði i gær 3-0 fyrir Fulham. Eftir leikinn var Gerrard látinn taka pokann sinn.

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.