Þýska félagið RB Leipzig hefur gengið frá kaupum á franska varnarmanninum Mohamed Simakan en hann kemur frá Strasbourg.
Simakan er 20 ára gamall og hefur spilað feykivel með Strasbourg í frönsku deildinni á þessari leiktíð.
Hann hefur skorað eitt mark fyrir liðið í 19 leikjum á þessari leiktíð en ítalska félagið AC Milan sýndi honum mikinn áhuga síðasta sumar.
Simakan mun hins vegar ganga til liðs við RB Leipzig í sumar og hefur hann nú þegar skrifað undir fimm ára samning við félagið. Leipzig greiðir Strasbourg 18 milljónir evra fyrir leikmanninn.
Franski varnarmaðurinn mun ganga til liðs við Leipzig í sumar og klæðast treyju númer 2.
Hann mun fylla skarð Dayot Upamecano sem gengur til liðs við Bayern München eftir tímabilið.
Athugasemdir