Deildin var opinberlega stofnuð á sunnudag en í gær voru aðeins fjögur lið eftir í deildinni. Öll ensku liðin drógu sig úr keppni og þá fylgdu AC Milan og Inter á eftir.

Juventus, Atlético, Barcelona og Real Madrid hafa ekki dregið sig úr keppninni.

„Þetta hefur verið bilun síðan við töpuðum gegn Chelsea í bikarnum á laugardag. Strákarnir voru frekar þungir eftir tapið og svo á mánudeginum kemur þetta með Ofurdeildina og við vorum hissa," sagði Fernandinho.

„Við bjuggumst ekki við þessu en á endanum þá tókst þeim að ranka við sér og gera það sem var rétt í stöðunni. Allir sem elska fótbolta vildu ekki Ofurdeildina og okkar leikmenn voru sammála því en við erum ánægðir núna að þeir náðu að snúa blaðinu við. Þetta var óvænt."

„Þetta er erfið staða. Við vildum fá að vita ástæðurnar frá eigendunum og af hverju þeir voru þarna með öðrum félögum. Við vildum segja eitthvað og mótmæla þessu en við töluðum saman og vorum sammála um að bíða eftir yfirlýsingu frá félaginu og við erum ánægðir því fótboltinn vann," sagði hann í lokin.