Danska félagið Lyngby er búið að tilkynna um ráðningu á Frey Alexanderssyni sem nýjum þjálfara sínum.
Freyr skrifar undir samning við Lyngby sem rennur út árið 2023.
Freyr heillaði fólk hjá félaginu með hugmyndum sínum og metnaði þegar kemur að fótbolta. Hann fær það verkefni að koma liðinu upp í dönsku úrvalsdeildina.
Freyr var síðast aðstoðarmaður Heimis Hallgrímssonar hjá Al-Arabi. Hann var orðaður við þjálfarastarfið hjá FH áður en Ólafur Jóhannesson var ráðinn þangað.
Í fyrra hafnaði Freyr tækifæri á að gerast aðstoðarþjálfari danska úrvalsdeildarfélagsins Midtjylland.
Freyr var aðstoðarþjálfari Erik Hamren með A-landslið karla, en þar áður var hann þjálfari íslenska kvennalandsliðsins og þjálfari Leiknis í Breiðholti. Hann er aðeins 38 ára gamall.
Það er auðvitað Víkingaklapp í kynningarmyndbandinu sem má sjá hér að neðan.
FREYR ALEXANDERSSON BLIVER NY LYNGBY-TRÆNER 💙💙 Lyngby Boldklub har ansat 38-årige Freyr Alexandersson som klubbens nye cheftræner. Læs mere her: https://t.co/qr72KqSDUE #SammenforLyngby #LyngbyBK pic.twitter.com/7hBVJG1SqR
— Lyngby Boldklub (@LyngbyBoldklub) June 22, 2021
Athugasemdir