Bertrand Traore lánaður til Istanbúl (Staðfest)

Bertrand Traore, sóknarleikmaður Aston Villa, hefur gengið í raðir tyrkneska félagsins Istanbul Basaksehir á lánssamningi út tímabilið.

Þessi 26 ára gamli landsliðsmaður Búrkína Fasó hefur ekki spilað fyrir Villa í þeim þremur leikjum sem búnir eru á tímabilinu.

Istanbul Basaksehir hafnaði í fjórða sæti tyrknesku deildarinnar á síðasta tímabili en liðið sló Breiðablik úr leik í forkeppni Sambandsdeildarinnar nýlega.

Traore hefur skorað sjö mörk í 45 leikjum fyrir Villa en hann gekk í raðir félagsins frá Lyon 2020.