Markvörðurinn Aron Dagur Birnuson hefur nýtt sér riftunarákvæði í samningi sínum við KA. Hann hafði tök á að nýta sér ákvæðið núna seinni hluta októbermánaðar og hefur gert það.
Þetta staðfesti Sævar Pétursson, framkvæmdastjóri KA, í samtali við Fótbolta.net.
Þetta staðfesti Sævar Pétursson, framkvæmdastjóri KA, í samtali við Fótbolta.net.
Aron er 21 ára og byrjaði tímabilið sem aðalmarkvörður en hann hefur leikið fimm leiki í Pepsi Max-deildinni í sumar.
Kristijan Jajalo hefur spilað hina þrettán leikina en hann skrifaði á dögunum undir nýjan samning við félagið.
KA er í sjöunda sæti Pepsi Max-deildarinnar en áætlað er að keppni í deildinni fari aftur af stað í næsta mánuði.
Athugasemdir
