Jóhanna Lind Stefánsdóttir hefur gengið í raðir Keflavíkur en hún skrifaði undir samning sem gildir út tímabilið 2022.
Jóhanna kemur frá Fjarðabyggð en þar hefur hún spilað allan sinn feril. Hún á að baki 46 leiki fyrir meistaraflokk og hefur skorað í þeim 24 mörk.
Jóhanna spilar sem miðjumaður og nú mun hún fá tækifæri til þess að spila í Pepsi Max deild kvenna.
„Keflavík hefur samið við Jóhönnu Lind Stefánsdóttur út tímabilið 2022!
Jóhanna er fædd árið 2001 og kemur til okkar frá Fjarðarbyggð, þar hefur hún spilað 46 leiki og skorað í þeim 24 mörk. Jóhanna spilar i stöðu miðjumanns og mun auka gæði mikið inná miðju Keflavíkurliðsins. Við viljum bjóða Jóhönnu hjartanlega velkomna í Bítlabæinnn!" segir í tilkynningu félagsins á Facebook.
Athugasemdir
