Eriksen: Tók nokkur upphitunarskot áður

Daninn fékk þá boltann fyrir utan teig frá Dele Alli, stillti upp og lét vaða með vinstri. Matt Ryan í marki Brighton náði ekki að koma í veg fyrir að boltinn myndi enda í netinu.

„Ég átti nokkur upphitunarskot áður en Matt Ryan gerði vel," sagði Eriksen léttur eftir leik.

„Við fengum nokkur góð tækifæri en loksins datt þetta inn. Þetta eru mikilvæg úrslit fyrir okkur eftir tapið gegn Manchester City um helgina."

„Þetta var mjög erfiður og langur leikur. Við þurfum að halda áfram að ná úrslitum og halda pressunni á liðunum í kringum okkur. Það er frábært að styrkja stöðuna í þriðja sætinu," sagði Eriksen að lokum.