Newcastle er búið að ganga frá kaupum á markverðinum Nick Pope og kemur hann til félagsins frá Burnley.
Kaupverðið er í kringum 10 milljónir punda.
Pope hefur verið einn af betri markvörðum ensku úrvalsdeildarinnar síðustu ár en hann er núna á förum eftir að Burnley féll úr ensku úrvalsdeildinni.
Pope var valinn í enska landsliðið fyrr í þessum mánuði og ætlar sér að fara með á HM í Katar. Burnley féll úr úrvalsdeildinni og sér Pope meiri möguleika á landsliðssæti með því að spila í úrvalsdeildinni.
Þetta er öflugur liðsstyrkur fyrir Newcastle sem stefnir á efri hluta ensku úrvalsdeildarinnar á næstu leiktíð.
Athugasemdir
