Lið vikunnar í enska - Aubameyang og Firmino fremstir

Markvörður: Adrian (Liverpool) - Spænski markvörðurinn aðstoðaði Liverpool að vinna Chelsea. Sérstaklega var frammistaða hans í fyrri hálfleik öflug.

Varnarmaður: Ricardo Pereira (Leicester) - Bakvörðurinn sókndjarfi skoraði í sigri Leicester gegn Tottenham.

Varnarmaður: r), Nathan Ake (Bournemouth) - Hollendingurinn skoraði með skalla eftir hornspyrnu í sigri gegn Southampton.

Varnarmaður: Fabian Schar (Newcastle) - Bjargaði á línu á ævintýralegan hátt í 0-0 jafntefli gegn Brighton.

Varnarmaður: Chris Basham (Sheffield United) - Öll vörn Sheffield var öflug í sigri gegn Everton.

Miðjumaður: James Maddison (Leicester) - Skoraði í öflugum sigri.

Miðjumaður: Kevin de Bruyne (Man City) - Opnaði flóðgáttir þegar hann kom City yfir gegn Watford.

Miðjumaður: Bernardo Silva (Man City) - Skoraði sína fyrstu þrennu í ensku úrvalsdeildinni.

Miðjumaður: Mark Noble (West Ham) - Hrikalega mikilvægur á miðju West Ham í sigri gegn Manchester United.

Sóknarmaður: Roberto Firmino (Liverpool) - Skoraði í sigrinum gegn Chelsea.

Sóknarmaður: Pierre-Emerick Aubameyang (Arsenal) - Heldur áfram að raða inn mörkum. Skoraði sigurmarkið í karakterssigri gegn Aston Villa.