Manchester United tapaði heimaleik gegn West Ham United í enska deildabikarnum í gærkvöldi og er þar með úr leik.
Hamrarnir gerðu eina mark leiksins á níundu mínútu og tókst Rauðu djöflunum ekki að jafna þrátt fyrir mikinn sóknarþunga og 27 marktilraunir.
Nemanja Matic spilaði allan leikinn á miðjunni hjá Rauðu djöflunum og lét hann tékkneska varnarmanninn Vladimir Coufal finna fyrir sér með ansi fólskulegu hnjásparki í leiknum.
Myndband af atvikinu má sjá hér fyrir neðan en Matic virðist fara viljandi með hnéð á viðkvæmt svæði hjá Coufal eftir að hafa leikið knettinum.
Athugasemdir