Veðurspáin fyrir lokaumferðina farin að líta mun betur út

Lokaumferðin í Pepsi Max-deildinni verður spiluð á laugardaginn og þá ræðst hvort Víkingur eða Breiðablik verður Íslandsmeistari og hvaða lið mun falla með Fylki.

Í upphafi vikunnar voru talsverðar áhyggjur af veðurspánni fyrir laugardaginn en samkvæmt <a href="https://www.vedur.is/" target="_blank">vedur.is</a> hefur hún skánað verulega.

Á meðan lokaumferðinni stendur er spáð því að það verði skýjað á höfuðborgarsvæðinu, 6 gráðu hiti og 7 metrar á sekúndu.

Á Akureyri er spáð því að það verði léttskýjað, 7 gráðu hiti og 3 metrar á sekúndu.

KSÍ tilkynnti félögunum í gær að lokaumferðin yrði á tilsettum tíma, klukkan 14 á laugardag.