Koeman tók við Everton í fyrrasumar og stýrði liðinu í sjöunda sæti ensku úrvalsdeildarinnar á fyrsta tímabili. Liðið komst í Evrópudeildina en þar hefur liðið einnig farið illa af stað á þessu tímabili og á litla möguleika á að komast upp úr riðli sínum.

Koeman keypti Gylfa Þór Sigurðsson frá Swansea á 45 milljónir punda í sumar en Gylfi fær ný nýjan stjóra.

„Formaðurinn Bill Kenwright, stjórnarmenn og aðaleigandinn Farhad Moshiri vilja allir þakka Ronald fyrir þjónustu hans hjá félaginu undanfarna 16 mánuði og fyrir að stýra liðinu í 7. sæti í ensku úrvalsdeildinni á síðasta tímabili," sagði í yfirlýsingu frá Everton nú rétt í þessu.

Everton mætir Chelsea í enska deildabikarnum á miðvikudaginn en ekki hefur verið tilkynnt hver stýrir liðinu þar.

pic.twitter.com/EAEMydTN7n

— Everton (@Everton) October 23, 2017