Hildur, María og Brynjólfur í sigurliðum
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Hildur Antonsdóttir og María Catharina Ólafsdóttir Gros voru báðar í byrjunarliði Fortuna Sittard sem lagði Excelsior að velli í efstu deild hollenska boltans.
Hvorug komst á blað en lokatölur urðu 3-1 fyrir Sittard sem situr í þriðja sæti, átta stigum frá Meistaradeildarsæti.
Guðrún Arnardóttir var þá í byrjunarliði Rosengård sem byrjar nýtt deildartímabil í Svíþjóð á jafnteflisleik gegn Piteå.
Fortuna Sittard 3 - 1 Excelsior
Rosengård 1 - 1 Piteå
Í karlaboltanum voru tveir æfingaleikir sem fóru fram. Þar var Brynjólfur Darri Willumsson í byrjunarliði Kristiansund sem vann þægilegan 4-1 sigur á Viking.
Patrik Sigurður Gunnarsson var ekki í hóp hjá Viking þar sem hann er með A-landsliði karla í undankeppni fyrir næsta Evrópumót.
Að lokum var Sveinn Aron Guðjohnsen í byrjunarliði Elfsborg sem gerði markalaust jafntefli við Halmstad.
Kristiansund 4 - 1 Viking
Halmstad 0 - 0 Elfsborg
