Það er möguleiki á að goðsagnirnar Lionel Messi og Cristiano Ronaldo mætist á vellinum þann 8. ágúst næstkomandi.
Ronaldo og Messi hafa lengi verið taldir tveir bestu fótboltamenn heims og léku með Barcelona og Real Madrid á Spáni.
Ronaldo hefur nú yfirgefið lið Real og er hjá Juventus og mætti Messi í Meistaradeildinni undir lok síðasta árs.
Það er alltaf gaman að sjá þessar ofurstjörnur mætast innan vallar og gæti það gerst í Joan Gamper bikarnum í ágúst.
Barcelona heldur þessa keppni á hverju ári en þar er nýrri leiktíð fagnað enda fer Evrópuboltinn bráðlega af stað.
Hvort stórstjörnurnar tvær spili í leiknum verður að koma í ljós en Barcelona tapaði bikarnum síðast árið 2012 í leik gegn Sampdoria.
Athugasemdir
