Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 24. september 2018 15:00
Fótbolti.net
Íslenskur slúðurpakki
Birnir Snær Ingason er eftisóttur eftir að Fjölnir féll úr Pepsi-deildinni.
Birnir Snær Ingason er eftisóttur eftir að Fjölnir féll úr Pepsi-deildinni.
Mynd: Fótbolti.net - Hafliði Breiðfjörð
Óli Stefán Flóventsson er orðaður við KA.
Óli Stefán Flóventsson er orðaður við KA.
Mynd: Fótbolti.net - Hafliði Breiðfjörð
Mathias Jack (til vinstri) er orðaður við þjálfarastöðuna hjá Grindavík.
Mathias Jack (til vinstri) er orðaður við þjálfarastöðuna hjá Grindavík.
Mynd: Víkurfréttir - Hilmar Bragi
Guðjón Pétur Lýðsson er orðaður við nokkur lið.
Guðjón Pétur Lýðsson er orðaður við nokkur lið.
Mynd: Fótbolti.net - Hafliði Breiðfjörð
Donni gæti hætt með Þór/KA.
Donni gæti hætt með Þór/KA.
Mynd: Fótbolti.net - Sævar Geir Sigurjónsson
Cloe Lacasse gæti farið frá ÍBV.
Cloe Lacasse gæti farið frá ÍBV.
Mynd: Fótbolti.net - Hafliði Breiðfjörð
Viktor Jónsson gæti farið út í atvinnumennsku.
Viktor Jónsson gæti farið út í atvinnumennsku.
Mynd: Fótbolti.net - Hafliði Breiðfjörð
Gonzalo Zamorano er á förum frá Víkingi Ólafsvík.
Gonzalo Zamorano er á förum frá Víkingi Ólafsvík.
Mynd: Fótbolti.net - Hafliði Breiðfjörð
Rio Hardy er eftirsótt af liðum í Pepsi-deildinni.
Rio Hardy er eftirsótt af liðum í Pepsi-deildinni.
Mynd: Fótbolti.net - Hafliði Breiðfjörð
Stefán Logi er að fara frá Selfyssingum.
Stefán Logi er að fara frá Selfyssingum.
Mynd: Fótbolti.net - Hafliði Breiðfjörð
Hólmar Örn Rúnarssson er líklega að taka við sem þjálfari hjá Víði Garði.
Hólmar Örn Rúnarssson er líklega að taka við sem þjálfari hjá Víði Garði.
Mynd: Fótbolti.net - Bára Dröfn Kristinsdóttir
Þá er komið að fyrsta slúðurpakkanum úr íslenska boltanum þetta haustið. Ein umferð er eftir í Pepsi-deild karla en öðrum deildum er lokið. Mikið af kjaftasögum eru í gangi, bæði hvað varðar þjálfara og leikmenn.

Slúðurpakkinn er einungis til gamans og ef menn hafa ábendingar varðandi pakkann eða um slúður hafið þá samband á [email protected]



Valur: Guðjón Pétur Lýðsson mun róa á önnur mið þegar samningur hans rennur út í haust. Óvíst er hvort sænski varnarmaðurinn Sebastian Starke Hedlund verði áfram en hann gerði samning út tímabilið. Valsmenn vilja fá Björn Daníel Sverrisson frá AGF og Kaj Leó í Bartalsstovu frá ÍBV. Birnir Snær Ingason og Ægir Jarl Jónasson, leikmenn Fjölnis, eru á óskalista Vals. Nökkvi Þeyr Þórisson, framherji Dalvíkur/Reynis, er einnig á óskalista Vals.

Breiðablik: Ágúst Gylfason, þjálfari Breiðabliks gæti reynt að fá Birni Snæ og Ægi Jarl frá gömlu félögunum í Fjölni. Guðjón Pétur Lýðsson er einnig orðaður við endurkomu í Kópavoginn.

Stjarnan: Ekki er reiknað með miklum leikmannabreytingum í Garðabæ. Birnir Snær og Ægir Jarl, leikmenn Fjölnis, eru á óskalistanum fyrir næsta tímabil. Ævar Ingi Jóhannesson og Óttar Bjarni Guðmundsson gætu verið á förum.

KR: Guðjón Pétur Lýðsson, miðjumaður Vals, er á óskalista KR. Varnarmaðurinn reyndi Gunnar Þór Gunnarsson er líklega á förum. Birnir Snær og Ægir Jarl eru á óskalista KR eins og hjá öðrum liðum í efri hlutanum. Viktor Jónsson, framherji Þróttar, og Hörður Ingi Gunnarsson, vinstri bakvörður ÍA, hafa verið orðaðir við KR.

FH: Talsverðar breytingar gætu orðið á leikmannahópi FH í haust. Færeyski markvörðurinn Gunnar Nielsen er líklega á förum og Kristijan Jajalo, markvörður Grindavíkur, hefur verið orðaður sem arftaki hans. Atli Guðnason og Atli Viðar Björnsson gætu báðir verið á förum auk þess sem óvíst er með marga af erlendu leikmönnum félagsins. FH hefur áhuga á að fá Brynjar Ásgeir Guðmundsson aftur heim frá Grindavík, Brynjar Hlöðversson frá HB sem og þá Birni Snæ og Ægi frá Fjölni.

KA: Óli Stefán Flóventsson er mest orðaður við þjálfarastöðuna hjá KA og þá með Milan Stefán Jankovic sér við hlið. Dean Martin og Þorvaldur Örlygsson hafa einnig verið orðaðir við stöðuna en þeir hafa báðir þjálfað KA áður. KA menn vilja fá varnarmanninn Hauk Heiðar Hauksson heim frá AIK sem og kantmanninn Ævar Inga Jóhannesson frá Stjörnunni og Almarr Ormarsson frá Fjölni. Óttar Bjarni Guðmundsson, varnarmaður Stjörnunnar, hefur einnig verið orðaður við KA. Bjarni Aðalsteinsson, sem var á láni hjá Magna í sumar, verður með KA næsta sumar. Guðmann Þórisson og Steinþór Freyr Þorsteinsson eru á förum. Vladimir Tufegdzic verður ekki áfram með KA og þá er ólíklegt að Archie Nkumu og Aleksandar Trninic verði áfram. Einnig er óvíst með spænska markvörðinn Cristian Martinez.

ÍBV: Ekki hefur verið gefið út hvort Kristján Guðmundsson hætti sem þjálfari. Gunnar Heiðar Þorvaldsson og Ian Jeffs hafa verið nefndir til sögunnar ef Kristján lætur af störfum. Óli Stefán Flóventsson hefur einnig verið orðaður við stöðuna. Kaj Leó í Bartalsstovu er samningslaus og gæti farið. Eyjamenn hafa sýnt Ævari Inga Jóhannessyni, kantmanni Stjörnunnar áhuga.

Víkingur R.: Líklegt er að Logi Ólafsson láti af störfum sem þjálfari. Helgi Siguðrsson, þjálfari Fylkis, Pedro Hipolito, fráfarandi þjálfari Fram, og Óskar Hrafn Þorvaldsson, þjálfari Gróttu eru orðaðir við starfið. Almarr Ormarsson gæti komið til Víkings frá Fjölni. Allir erlendu leikmennirnir hjá Víkingi róa líklega á önnur mið.

Grindavík: Í Grindavík stendur þjálfaraleit yfir. Mathias Jack, sem spilaði með Grindavík 2003, 2005 og 2006, er orðaður við stöðuna. Jack er í dag þjálfari varaliðs Fortuna Dusseldorf í Þýskalandi. Magni Fannberg hefur einnig verið orðaður við Grindvíkinga. Magni starfar í akademíu Brann í Noregi en hann var á sínum tíma aðstoðarþjálfari Grindavíkur. Óskar Hrafn Þorvaldsson, þjálfari Gróttu, hefur einnig verið orðaður við þjálfarastarfið. Grindvíkingar hafa áhuga á að fá markvörðinn Sindra Kristinn Ólafsson og bakvörðinn Sindra Þór Guðmundsson frá Keflavík. Margir af erlendu leikmönnunum hjá Grindavík gætu hins vegar verið á förum og óvíst er með þá Björn Berg Bryde og Brynjar Ásgeir Guðmundsson sem eru samningslausir.

Fylkir: Þjálfaramálin eru í óvissu í Árbænum en ekki er víst hvort Helgi Sigurðsson haldi áfram með liðið. Fylkismenn eru að reyna að fá miðjumanninn Eyjólf Héðinsson frá Stjörnunni. Brynjar Hlöðversson, miðjumaður HB, og Óttar Bjarni Guðmundsson, varnarmaður Stjörnunnar, eru á óskalistanum.

Fjölnir: Óvíst er hvort Ólafur Páll Snorrason haldi áfram eftir fallið úr Pepsi-deildinni. Birnir Snær og Ægir Jarl eru eftirsóttir og Fjölnismenn gætu selt þá til að rétta fjárhaginn af. Þá er ólíklegt að erlendu leikmennirnir verði áfram í Grafarvoginum.

Keflavík: Óvíst er hver verður þjálfari Keflvíkinga í Inkasso-deildinni næsta sumar. Guðmundur Steinarsson, aðstoðarþjálfari Breiðabliks, hefur verið orðaður við þjálfarastöðuna hjá uppeldisfélaginu. Marc McAusland, fyrirliði Keflavíkur, er eftirsóttur af toppliðunum í Pepsi-deildinni.

ÍA: Skagamenn hafa sýnt Guðjóni Pétri Lýðssyni áhuga. Arnþór Ingi Kristinsson, miðjumaður Víkings, er á óskalistanum en hann ólst upp hjá ÍA. Ólíklegt er að sóknarmaðurinn reyndi Garðar Bergmann Gunnlaugsson fái nýjan samning.

HK: Í Kópavogi á að styrkja leikmannahópinn fyrir Pepsi-deildina. HK-ingar vilja halda kantmanninum Zeiko Lewis sem var á láni frá FH síðari hlutann. Miðjumaðurinn Árni Arnarson gæti verið á förum.

Pepsi-deild kvenna:

Breiðablik: Þorsteinn Halldórsson, þjálfari Blika, hefur verið orðaður við stöðu landsliðsþjálfara kvenna. Ásmundur Arnarsson eða Sigurður Ragnar Eyjólfsson gætu orðið eftirmenn hans. Berglind Björg Þorvaldsdóttir gæti reynt aftur fyrir sér erlendis

Þór/KA: Halldór Jón Sigurðsson, Donni, gæti hætt sem þjálfari. Ólíklegt er að hann taki við kvennalandsliðinu en líklegra er að hann flytij til Svíþjóðar þar sem eiginkona hans er á leið í nám. Anna Rakel Pétursdóttir, Sandra María Jessen og Lillý Rut Hlynsdóttir gætu reynt fyrir sér erlendis. Lillý er að horfa til Svíþjóðar í þeim efnum. Ekki er ljóst hvort að mexíkósku leikmennirnir verði áfram. Ásgerður Stefanía Baldursdóttir, miðjumaður Stjörnunnar, er á óskalistanum hjá Þór/KA sem og Cloe Lacasse hjá ÍBV.

Stjarnan: Garðbæingar leita að nýjum þjálfara og Ejub Purisevic, Kristján Guðmundsson, Ólafur Brynólfsson og Sigurður Ragnar hafa allir verið orðaðir við stöðuna.

Valur: Málfríður Erna Sigurðurardóttir gæti lagt skóna á hilluna. Valur gæti reynt að fá Guðnýju Árnadóttur frá FH.

ÍBV: Cloé Lacasse gæti farið en hún hefur verið í stóru hlutverki undanfarin ár. Clara Sigurðardóttir gæti farið í atvinnumennsku en hún hefur vakið mikla athygli með U17 ára landsliðinu og ÍBV.

Selfoss: Selfyssingar vilja fá Guðmundu Brynju Óladóttir heim frá Stjörnunni.

HK/Víkingur: Sæunn Björnsdóttir, leikmaður Hauka, hefur verið orðuð við HK/Víking.

KR: Elstu leikmennirnir hjá KR eru að skoða sín mál og einhverjir skór gætu farið á hilluna. Líklegt er að Þórunn Helga Jónsdóttir verði áfram. Lilja Dögg Valþórsdóttir gæti lagt skóna aftur á hilluna og óvíst hvað Katrín Ómars gerir. Gæti farið erlendis og það er líka áhugi á meðal íslenskra liða. Óvíst er hvort Bojana Besic haldi áfram sem þjálfari.

Keflavík: Lítið hefur heyrst af slúðri frá nýliðum Keflavíkur enn sem komið er.

Fylkir: Árbæingar vilja Rut Kristjánsdóttur aftur frá Eyjum. Fylkir er í leit að markmanni. Gætu horft til Birnu Kristjáns hjá Stjörnunni eða tekið séns á ungum markmanni í Cecílíu Rán Rúnarsdóttur úr Aftureldingu.

Inkasso-deild karla:

Þór: Jóhann Kristinn Gunnarsson, þjálfari Völsungs, hefur verið orðaður við þjálfarastöðuna sem og Srdjan Tufegdzic sem er að hætta með KA. Gregg Ryder hefur einnig sýnt áhuga á að taka við Þór. Reynsluboltarnir Sveinn Elías Jónsson og Ingi Freyr Hilmarsson eru að íhuga framtíð sína. Aron Kristófer Lárusson hefur áhuga á að reyna fyrir sér í Pepsi-deildinni. Þórsarar hafa áhuga á Nökkva Þeyr í Dalvík/Reyni líkt og fleiri félög.

Víkingur Ólafsvík: Ekki er ljóst hvort Ejub Purisevic haldi áfram sem þjálfari. Spænski sóknarmaðurinn Gonzalo Zamorano er á förum en hann vill spreyta sig í Pepsi-deildinni.

Þróttur R.: Þróttarar vilja halda markamaskínunni Viktori Jónssyni en það gæti reynst þrautinni þyngri. Félög í Pepsi-deildinni hafa sýnt áhuga sem og Halmstad í Svíþjóð. Viktor hefur sjálfur áhuga á að spreyta sig erlendis. Þróttarar gætu fengið aftur unga leikmenn á láni úr Pepsi-deildinni.

Njarðvík: Njarðvíkingar vilja fá Frans Elvarsson og Sindra Þór Guðmundsson frá Keflavík.

Leiknir R.: Breiðhyltingar eru í þjálfaraleit og Jón Þór Hauksson, aðstoðarþjálfari Stjörnunnar, er sagður efstur á óskalistanum. Aron Fuego Daníelsson ætlar að spila með varaliði Leiknis í KB næsta sumar.

Fram: Ljóst er að nýr þjálfari tekur við Fram. Sigurður Ragnar Eyjólfsson og Úlfur Blandon, þjálfari Þróttar í Vogum, hafa báðir verið orðaðir við stöðuna. Guðmundur Magnússon, framherji og fyrirliði Framara, er líklega á förum en félög í Pepsi-deildinni vilja fá hann.

Haukar: Kantmaðurinn öflugi Arnar Aðalgeirsson gæti reynt fyrir sér í Pepsi-deildinni.

Magni Grenivík: Magnamenn stefna á að halda sem flestum í hópnum eftir að sætið í Inkasso-deildinni var tryggt um helgina.

Afturelding: Mosfellingar stefna á að halda sínum leikmönnum. Spænsku leikmennirnir Alonso Sanchez Gonzalez og Joselinho eru þó líklega á förum en þeir komu til Aftureldingar um mitt sumar.

Grótta: Líklegt er að Óskar Hrafn Þorvaldsson haldi áfram sem þjálfari Gróttu þrátt fyrir að hafa verið orðaður við önnur störf. Miðjumaðurinn Óliver Dagur Thorlacius hefur vakið áhuga félaga í Pepsi-deildinni.

Inkasso-deild kvenna:

Grindavík: Rio Hardy er eftirsótt af Pepsi-deildarliðum og líklega á förum eftir fall Grindavíkur. Dröfn Einarsdóttir og María Sól Jakobsdóttir fara líklega í Pepsi-deildina.

FH: Jasmín Ingadóttir, Guðný Árnadóttir og Melkorka Katrín Pétursdóttir spila í Pepsi-deildinni á næsta ári og yfirgefa FH. Guðni Eiríksson og Bára Kristbjörg Rúnarsdóttir hafa verið orðuð við þjálfarastöðuna.

ÍA: Bergdís Fanney Einarsdóttir og Unnur Ýr Haraldsdóttir eru eftirsóttar.

Þróttur: Sóley María Steinarsdóttir gæti farið í Pepsi-deildina. Nik Chamberlain þjálfari gæti fengið tilboð um að þjálfa í efstu deild eftir því hvernig spilast úr þjálfarakaplinum.

Fjölnir: Páll Árnason verður áfram þjálfari. Fjölnir vill Maríu Evu og Kolbrúnu Tinnu Eyjólfsdætur og Kristrúnu Kristjáns aftur heim úr Stjörnunni.

ÍR: Andrea Magnúsdóttir gæti verið á leið í Pepsi-deildina. KR hefur verið nefnt í þeim efnum.

2. deild karla:

ÍR: Óvíst er hvort að Brynjar Þór Gestsson haldi áfram sem þjálfari eftir fall úr Inkasso-deildinni um helgina.

Selfoss: Dean Martin hefur áhuga á að halda áfram sem þjálfari Selfyssinga. Fyrirliðinn Stefán Ragnar Guðlaugsson og Ingi Rafn Ingibergsson er hættir hjá Selfyssingum. Markvörðurinn reyndi Stefán Logi Magnússon er á förum og gæti farið í Pepsi-deildina. Óvíst er einnig með framtíð Hrvoje Tokic og Kenan Turudija.

Vestri: Flestir leikmenn Vestra verða áfram næsta sumar undir stjórn Bjarna Jóhannssonar. Akil de Freitas mun róa á önnur mið.

Þróttur Vogum: Þróttar eru að krækja í miðjumanninn Miroslav Babic sem spilaði með Hetti í sumar.

Fjarðabyggð: Reynsluboltinn Jóhann Benediktsson gæti mögulega lagt skóna á hilluna.

Víðir Garði: Guðjón Árni Antoníusson er að hætta sem þjálfari. Líklegast þykir að Hólmar Örn Rúnarsson, miðjumaður Keflvíkinga, taki við og þá mögulega sem spilandi þjálfari.

Leiknir F.: Viðar Jónsson er hættur sem þjálfari Fáskrúðsfirðinga. Björgvin Karl Gunnarsson gæti tekið við liðinu.

Dalvík/Reynir: Sveinn Elías Jónsson, kantmaður Þórs, er á óskalistanum hjá uppeldisfélagi sínu. Óvíst er hvort tvíburarnir Nökkvi Þeyr og Þorri Þórissynir verði áfram.

3. deild karla:

Höttur: Brynjar Árnason, fyrirliði Hattar, verður spilandi aðstoðarþjálfari næsta sumar en leit stendur yfir að þjálfara. Ólíklegt er að Miroslav Babic, Ignacio Gonzalez Martinez og Francisco Javier Munoz Bernal verði áfram eftir fall niður í 3. deild. Umræða hefur verið í gangi í samfélaginu fyrir austan um að sameina Hött og Huginn.

Huginn: Varnarmaðurinn Stefan Spasic er á förum sem og fyrirliðinn Rúnar Freyr Þórhallsson.

KF: Óvíst er hvort Slobodan Milisic haldi áfram sem þjálfari KF.

Vængir Júpíters: Vængirnir eru í þjálfaraleit en Arnar Páll Garðarsson er að hætta sem þjálfari.

Reynir Sandgerði: Haraldur Freyr Guðmundsson verður áfram þjálfari og Sandgerðingar ætla að halda Magnúsi Þóri Matthíassyni sem spilaði stórt hlutverk í sumar. Birkir Freyr Sigurðsson kemur heim í Reyni frá Njarðvík sem og markvörðurinn Aron Elís Árnason frá Þrótti Vogum.
Athugasemdir
banner
banner
banner
banner