Íslenski framherjinn Elías Már Ómarsson var mættur aftur í byrjunarlið franska B-deildarliðsins Nimes í kvöld eftir meiðsli en liðið tapaði fyrir Le Havre, 1-0.
Elías kom til Nimes frá Excelsior fyrir tímabilið og byrjaði hann ágætlega. Hann gerði eitt mark í fyrstu þremur leikjunum áður en hann meiddist og missti af næstu fjórum leikjum liðsins.
Hann spilaði 24 mínútur í síðasta leik og kom svo inn í byrjunarliðið gegn Le Havre í kvöld.
Elías lék 62 mínútur í tapi Nimes, sem er nú í 9. sæti deildarinnar með 13 stig.
Athugasemdir